Brigitte, die Mutter der Kompanie
Jo mei, z´erscht mus ma scho mal froga, ob da no so alls recht isch im Hirakäschtle. Aber i denk, erscht a mol scho, da mir selbscht ja au scho a weng länger do san. Ned jeder hat des gschafft, was du scho bracht hosch bis da na. Da miasat de andre erscht a mol hischmecka. Und des isch scho a weng her, wo Du und dei Dieterle es erscht mol aufdaucht seid bei uns da in da Wüschte, in Ähgüptha. Zu dera Zeit war des no it normal das ma soweit fliega duat, und na no zum daucha au no. Ja bisch du den verruckt, des isch jetzt seit 1989 scho über 25zwansg Johr lang her. A klois „Viertale“ so zum saga.
Do brausch koi Dokta oder sonscht irgad a hohas Viech sei, dass ma a so an haufa Zeit, Geld und Liebe inweschtiera duat, nur um doh zum sei wo ma gern isch odr sei mog. I denk nach 25 Johr, jeds Johr so 2 Wocha garandiert und jetzt au hoier no 3 Wocha, ghörsch Du Brigitte scho zu de Oigfleischte di sich auskennat. ( Auf Neudeutsch: Du hasch scho a klois Plätzle auf unsra Feschtplatta ) Ja verreck ums Eck, des isch ja mehr als a Johr Urlaub. Ganz gnau ausgrechnat 69 Wocha insgsamt. Des isch ja scho a Woch mehr als du Johr am Buckl hasch. Und na bisch Du au no mehr als 760 mol im Rota Meer daucht, ohne das da uff gfressa worda bisch. Mei, wema überlega duat, ham mir ja fascht selbst erscht grad agfanga mit da daucherei domals.
Abbah bevor des jetz a Predigt wird oder sonscht a Bedienungs a Leitung, mir denkat dass Du scho woist was Du willscht und brauchscht in deim Leba. Mir sagat uf jeda Fall, a ganz ganz groasses herzlichs Vergeltsgott das Du uns so lang ausghalta hosch und wolltesch. Du bisch scho a groass Stoile im Fundament vo uns. Auf a guate Zeit weiterhi Du klois Schatzabobale und ganz liabe Gries au von da Karin.
James & Mac
( Es handelt sich bei diesem Text um eine Schwäbische Sprache bzw. Dialekt und nicht um Rechtschreibfehler ! So nach dem Motto… wir können auch Ausländisch, neben Hochdeutsch. )
8 Kommentare zu "Endlich gefunden"